بحث عن:

الاثنين، 24 يناير 2011

67   لو كنت المســـــؤول ؟؟!!





 تحية من المدينة الفاضلة لكل اصدقائها... ومع فنجان قهوة ....  نأخذ أجازة صغيرة من الهموم  والمناقشات الدسمة التى ملأت سماء المدونات كلها فى هذا الوقت  ... اردت ان اكتب  موضوع  يخرجنا من دائرة الأحزان التى أحاطت بالجميع وبنفس الوقت يكون مفيد بعض الشىء فكان هذا ....
                            
لو كنــــــ  المســــؤول ــــــــت  ؟؟!!


واجب  عبارة عن أسئلة  يجيب عليها  كل  من يوجه اليه ... بوجه خاص
وهو بنفس الوقت موجه لكل من يقرأه بشكل عام وعليه ان يشاركنا هذا الواجب
 فى  مدونته يعنى انه ليس خاص فقط بمن يوجه لهم مباشرة لكن لمن
اراد المشاركة  واحب الفكرة ينقل الأسئلة التى باللون الأحمر ويجيب عليها
وسوف ابدأ ان شاء الله بحل الاسئلة حسب رؤيتى للامر :)



لو سمحت لك الأقدار وأصبحت مسؤولاً  عن وزارة فى الدولة
 ماذا سيكون قرارك  الأول الذى ستتخذه ؟؟



لو أصبحت  يوماً وجدت نفسك /


  • رئيس مجلس الوزراء
أطبق مبدأ من أين لك هذا على جميع الوزراء واعملهم زىّ موحد  :)


  • وزير الدفاع والأنتاج الحربى
أتوسع اكثر فى المصانع الحربية التى تخدم المدنيين بالأجهزة والآلات وأجعل سعرها فى متناول الجميع.... 


  • وزير المالية
اللــــــــه ....ياريت ده انا اعطى لكل مواطن علاوة شهرية 5 أضعاف مرتبة وكمان علاوة فى رمضان وعلاوة لكل عيد وعلاوة فى المدارس وتعويض لكل انسان يتضرر لو أكل رغيف عيش فيه مسمار أو  طوب وشوية منح  صغيرة كده بصفة دائمة لصغار الموظفين مثل الفراشين والسعاة وعمال النظافة ....
 وهعمل راتب شهرى للمدونين يلا افرحوا وهيصوا 

  • وزير الدولة للشئون القانونية والمجالس النيابية
ألغى " الكوسة والمحسوبية" وأجعل الكل أمام القانون سواء 


  • وزير الداخلية
اللهم اجعل كلامنا خفيف عليهم ... 
الغى أمناء الشرطة واعاقب المذنب  والمخطىء مهما كانت منزلته ومكانته ولا اسمح بأضطهاد كثيرين من الضباط وعناصر أقسام الشرطة للشعب والشباب دون وجه حق.

  • وزير البترول
أتابع تعيينات  وتوظيف الشباب الخريجين من الجامعات فى هيئات شركات البترول والتى تكون على اساس من المحسوبية ايضا ... وامنع تصدير البترول  ومشتقاته لأى جهة تعادى بلادنا .



  • وزير الطيران المدنى
أهتم  بشكل اكبر بالطيران الداخلى واخفض سعره... وبعدين الطيران ((تبع الحكومة)) ما نقدر نقول انهم مش مهتميين به !!!! لكن المشكلة فى الجمارك بالمطار وأسلوب التعامل فيها . يبقى هلغى الجمارك :)

  • وزير الدولة لشئون البيئة
يا خبر دى حكاية وحدها.... 
اولا اعدم كل من يلقى باى قاذورات فى الطريق  ...ايوة اعدمه رميا بالأحذية
ثانيا  اجعل فى كل شارع  مساحة خضراء كتير اوى اوى ...واطالب بقانون توحيد الشكل العام للمبانى السكنية فى كل محافظة بلون واحد ....... وامنع استخدام تنبيهات السيارات المزعجة واحرق كل الميكروباصات  الملوثة للسمع والبصر.   واحيل اوراق  كل مغنيين الميكروباص  للمفتى 

  • وزير الشباب 
أنشىء فى كل حى مركز للشباب على اعلى مستوى لا يختلف كثيراعن النوادى الخمس نجوم ... 

  • وزير الأستثمار
أهتم بمشاريع الشباب بشكل اكبر واعطيهم بعض الاستثناءات والسماحات التى تتيح لهم فرص النجاح والاستمرار فى الانتاج والتطور.


  • وزير التجارة والصناعة
أعيد من جديد أمجاد المحلة الكبرى ومصانع الغزل والنسيج بمصراهتم بالمنتجات القطنية فى الملابس والمفروشات....وقبل ان اقوم بتصدير المنتجات العذائية للخارج أكفى الشعب اولاً منها ..

وزير التربية والتعليم
أعيد أنشاء الكتاتيب فى القرى .. واخفض عدد الطلبة فى الفصول وأنشىء مكتب متخصص  لمراقبة المدارس بشكل دورى ..واعيد حصص التربية الرياضية بالمدارس ... واجعل ميزانية لكل مدرسة للعناية بالتجميل والنظافة ... ده كله بعد تعديل المناهج  الدراسية   كلههههههها وبعد كده الغى امتحان الثانوية العامة ويمكن اخلى الجامعة بعد الاعدادية على طول 


  • وزير الزراعة واستصلاح الاراضى
أزرع بجوار كل بيت شجرة... وانسق استخدام المبيدات الحشرية على حسب احتياج التربة الزراعية ... واقضى على الهرمونات التى أصابت الانسان بالأمراض ... واجعل قانون شديد رادع لمن يقوم بالبناء على الأرضالزراعية ويقضى على المساحة الخضراء.

  • وزير القوى العاملة 
البس نظارة نظر علشان اعرف أشوف بأوظف مين فى ايه وليه


  • وزير الأوقاف
امنع القانون الذى ينص على غلق المساجد بعد الصلاة 



  • وزير الموارد المائية والرى
احرص على شق الترع والمصارف فى القرى لزيادة حصة الماء للاراضى الزراعية ... و أعتقد الموارد المائية دى منها الاسماك صح :) 
يبقى هعطى سمكة لكل مواطن كل يوم لانى بحب السمك هههه وهمنع الهرمونات ايضا اللى بيعطوها للاسماك علشان تصبح احجامها كبيرة لكن نتيجتها بتكون انتشار الامراض 

  • وزير الكهرباء والطاقة
طبعا هلغى كل  عدادات الكهرباء القديمة فى كل بيت لأن كلها "فاسدة "وهقلل فواتير الكهرباء ويمكن الغيها خالص  :)

  • وزير الاعلام
هعطى كل العاملين بالتليفزيون اجازة فى رمضان واعيد فتح القنوات الدينية ...
 واكتر شوية من توم وجيرى


  • وزير الخارجية
اممممم مش عارفة بس ممكن... اقطع العلاقات مع دول كتير اوى  :) يعنى هخربها  


  • وزير الإتصالات وتكنولوجيا المعلومات
أعطى كمبيوتر لكل طالب فى الأرياف والقرى... والغى فواتير التليفون خالص مالص على الاطلاق المطلق ... واعمل تقوية لشبكات الانترنت  ويمكن اخلى كل واحد يمشى بشبكته الخاصة :) يعنى شبكة انترنت لكل مواطن علشان المدونين يعرفوا يتابعوا مدوناتهم كويس .

  • وزير الاسكان والمرافق والتنمية العمرانية
اعمل قانون جديد لتعمير الصحراء بشكل جيد وأعمل مساكن للشباب  فيها على اعلى مستوى تبدأ بثلاث غرف للشقة ... وبسعر بسيط ... وتكون الوانها بيضاء ونوافذها زرقاء وازرع لهم شوية اشجار خضرا ويمكن اعملهم حمامات سباحة بس يكون اسوارها عالية  ومغلقة علشان الخصوصية 


  • وزير التعليم العالى والدولة للبحث العلمى
لأ الوزارة دى هلغيها خالص ... لأنها كذبه كبيرة 
هسميها وزارة الاحباط والكآبة للبحث عن العمل 


  • وزير التضامن الاجتماعى
هو فيه تضامن اجتماعى فى البلد وانا معرفش ؟؟ًًً!!!


  • وزير النقل
زى ما قلت  من شوية هلغى الميكروباصات ... والغى الأتوبسات القديمة كلها واخلى الكل  يمشى بسكوتر ودراجات  واعيد خريطة النقل فى النيل بمعنى ان اهتم بالأتوبيسات النهرية واعيد  هيكلتها من جديد ... واسارع أيضا بأمداد القرى وباقى المحافظات بخطوط المترو 


  • وزير السياحة
أهتم أكثر بالسياحة الداخلية فى البلد وأعطى أبن بلدى الأولوية فى معرفة خريطة بلاده السياحية.... وانشىء قرى ثقافية علمية سياحية ولا اجعل العامل الاساسى لجذب السائح الترفيه لمجرد التسلية فقط .


  • وزير العدل
هو فيه عدل فى البلد علشان اعمله وزارة !!
طبعا اغير كل القوانين ... واجعلها توافق شرع الله 



  • وزير الصحة 
يااااااااه ...أولاً كل المستشفيات بدون استثاء  يكون عليها تفتيش اسبوعى ...أنشىء معامل  داخل المستشفيات بشكل كبير  وبتكنولوجيا حديثة ومجانى لكل الناس والمرضى ... أجعل فيها اقسام للعلاج النفسى لتجهيز المريض نفسياً لفترات العلاج والمتابعة... أحاسب بشدة كل من يعامل المرضى بشكل  غير مهذب أو غير لائق.... واختار الموظفين على اعلى مستوى من الأخلاق  والخبرة لأتمام أجراءات المرضى .... ومن كتر الاطباء فى البلد اليومين دول اخلى برده طبيب لكل مواطن وكفاية يكون اجره جزاك الله خيراً . ومفيش اعظم من خير الجنة أجر


أعتقد كده انا كـ وزيرة عملت اللى علىّ :) 
و صدقونى لو حصل انقلاب مش هتلاقوا عندى اطنان دهب اهرب بها خارج البلد 
يعنى مش هسيبكم ابدا لانى منشنه على كرسى رئاسة الجمهورية 


أحول هذا الواجب الأن لبعض الأصدقاء لكن كما قلت سابقاً فهو ليس قاصراًعلى هذه الاسماء فقط ... فكل من يحب ان يكتب  فى هذا الواجب اهلاً به وهو موجه لكل صديق قام بالتعليق  عليه  وقرأه

الأخوة / 

ابو حسام الدين
أبو مجاهد الرنتيسى
محمد الجرايحى
هيثم السايس
 ماجد القاضى 
رامى 
محب روفائيل
تامر 
هبة فاروق
كارولين فاروق
رحلة حياة 



                                                                              

67 التعليقات:

إظهار التعليقات
newer posts older posts home

اصدقاء المدينة الفاضلة